Isa ka babaye sa China ang nakaluwas matapos ginbuno sang 22 beses sa dughan sa bulig sang iya silicone breast implants!
Ang insidente natabo sa isa ka shopping mall sa Southeastern China.
Suno sa imbestigasyon, ginpilit sang suspek ang 30-anyos nga biktima nga magsulod sa iya salakyan sa parking area kag gintayaan niya ini sang kutsilyo kag ginpilit nga magmaneho pakadto sa isa ka lugar.
Samtang yara sa biyahe, ginpilit siya sang suspek nga mangita sang kwarta agud ipadala sa iya kag ihatag sa suspek.
Ini man ang nangin kahigayunan para sa babaye nga makapangayo sang bulig.
Sa bulig sang boyfriend, ginpa-trace sini ang GPS location sang biktima sa bulig sang mga pulis.
Apang pag-abot sang mga pulis, hinali lang ginbuno sang suspek sa dughan ang biktima bag-o sini ginbuno man ang kaugalingon nga kabangdanan sang kamatayon sang suspek.
Sa maayo nga palad, nakaluwas ang biktima kag suno sa mga doktor, isa ka igo sang buno lang ang naangkon niya sa iya nga baga.
Suno sang biktima, sang amo nga tion, nagapaidalom siya sa breast augmentation surgery kag ginsagang sang silicone implant ang buno nga nakapatay kuntani sa iya.
