Patay ang 21 anyos nga babaye nga estudyante matapos ginaalegar ginkuga sang iya 27 anyos nga pakaisa nga lalaki sa isa ka balay sa San Antonio, Nueva Ecija.
Suno kay San Antonio police chief PMaj. Ernesto Esguerra, naga-isahon nga naga-istar ang dalaga sa iya balay sa Barangay Sto. Cristo sang ginkadtoan ini sang suspek.
Pahayag sang hepe, mautang kuntani ang suspek sang P5,000 kag sang wala sang may ihatag ang biktima, nag-away sila kag ginkuga ang biktima gamit ang habol.
Matapos ang insidente, ginkuha pa sang suspek ang cellphone sang biktima kag nagpalagyo.
Nadiskubrehan na lamang ang krimen pasado alas 10:30 na sang aga sang ginkadtoan sang isa ka pa pakaisa ang biktima.
Una nga nagdumdom ang himata nga naghikog ang biktima apang sang ginpaidalom sa autopsy, nagguwa nga ginkuga ang dalaga.
Nakilala ang suspek matapos siya gintudlo sang isa ka testigo nga ulihe ini nga Nakita nga nagkadto sa balayu sang biktima.
Gilayon naman nga nadakpan ang suspek kag nakuha sa iya ang cellphone sang biktima.
Gin-ako sang suspek ang ginhimo nga krimen.
