ROXAS CITY – Patay ang angkas nga live in partner sang driver sang motorsiklo matapos aksidente nga nabunggoan ang isa ka layaw nga ido takna alas 11:50 kagab-i Sa Sitio Perara, Barangay Poblacion Sapian Capiz.
Ginkilala ang napatay nga si Alyas Jean, 32 anyos , kag ang live in partner nga driver sang motorsiklo ang ginkilala kay alyas Raymond nga lunsay mga residente sang Barangay Poblacion Sapian Capiz
Sa nakuha nga impormasyon sang Bombo Radyo nagikan sa Sapian Municipal Police Station, ginapahayag nga padulong kuntani ang mag live in partner sa Barangay Maninang Sapian sakay ang Rusi 125 nga motorsiklo apang pag-abot sa sitio Pirara, aksidente ini nga nabunggoan ang nagatabok nga layaw nga ido sa karsada.
Bangud sa mabaskog nga impact sang pagkabunggo, nagsimplang ang mga ini kag nag-angkon sang pilas sa magkatuhay nga parte sang ila kalawasan.
Gilayon naman nga ginpadangat sa Mambusao District hospital ang mag live in partner, apang gindeklarar nga dead on arrival ang angkas nga live in partner sang driver sang motorsiklo.
sa karon, ginkustodiya na ini sang Sapian PNP ang amo motorsiklo samtang nagapadayon ang imbestigasyon sang mga kapulisan angut sa nasambit nga insidente.
