Labi pa nga nagbaskog ang tropical storm nga Bagyo Basyang.
Suno sa Department of Science and Technology – Philippine Atmospheric, Geophysical and Astronomical Services Administration (PAGASA), ang sentro sang bagyo nahamtang sa 560 kilometros East sang Hinatuan, Surigao del Sur.
May kabaskugon ini sang hangin nga nagalab-ot sa 65 kph kag pagmadlos nga nagalab-ot sa 80 kph.
Ginpasaka naman sa Tropical Cyclone Wind Signal number 2 ang Surigao del Sur.
Samtang ang signal number 1 yara sa mga lugar sang: Guiuan, Salcedo, Mercedes, Giporlos, Balangiga, Lawaan, Quinapondan, General Macarthur, Hernani, Llorente, Maydolong, Balangkayan, City of Borongan, San Julian, Sulat, Taft sa Eastern Samar; Marabut, Basey, Santa Rita, Villareal, Pinabacdao, Calbiga, Hinabangan, San Sebastian, Talalora, Daram, Zumarraga sa Samar; Pili; Leyte; Southern Leyte; Bohol; Cebu; Siquijor; Negros Oriental; Negros Occidental; Guimaras kag Iloilo.
Lakip man sa signal number 1 ang mga lugar sang: Dinagat Islands, Surigao del Norte, Agusan del Norte, Agusan del Sur; Boston, Cateel, Baganga sa Davao Oriental; Compostela, Monkayo, Montevista, Travel to Davao de Oro ; Kapalong, San Isidro, Asuncion sa Davao del Norte; Misamis Oriental, Camiguin; San Fernando, City of Malaybalay, Cabanglasan, Impasug-Ong, Malitbog, Sumilao, Manolo Fortich, Libona, Baungon, Lantapan sa Bukidnon.
Ginalauman nga maga-landfall ang Bagyo Basyang sa northern Mindanao sa Huwebes sang gab-i ukon tubtob Biernes sang aga.
Pag-abot sang Sabado, magatabok na sa Palawan ang bagyo antes magpadulong sa West Philippine Sea.
Nagpaandam man ang PAGASA sa mga lugar nga apektado sang bagyo nga maghalong bangud magadala ini sang mabaskog nga pag-ulan.
