Labi pa nga nagbaskog ang Bagyo Verbena samtang yara na sa Inabanga, Bohol.
Suno sa Philippine Atmospheric, Geophysical and Astronomical Services Administration (PAGASA), nahamtang ang sentro sang bagyo malapit sa Inabanga, Bohol.
May kabaskugon ini sang hangin nga nagalab-ot sa 55 kilometros por ora kag pagmadlos nga nagalab-ot sa 90 kph.
Signal number 1 ginpataas sa mga lugar sa Luzon: Occidental Mindoro, Oriental Mindoro, Romblon; Araceli, Taytay, El Nido, Dumaran, Roxas, San Vicente, Puerto Princesa City sa Palawan lakip ang Calamian, Cuyo, kag Cagayancillo Islands; Balud, Mandaon, Milagros, Cawayan, Placer, Pio V. Corpuz, Esperanza, Uson, Dimasalang, City of Masbate, Mobo, Palanas, Aroroy, Cataingan, Baleno sa Masbate.
Samtang, sa mga lugar sang Visayas Visayas Signal no. 1, nagalakip sang Antique, Aklan, Capiz, Iloilo, Guimaras, Negros Occidental, Negros Oriental, Siquijor, Cebu, Bohol, Samar, Eastern Samar, Biliran, Leyte, kag Southern Leyte.
Samtang sa Mindanao amo ang mga lugar sang: Dinagat Islands, Surigao del Norte, Surigao del Sur, Agusan del Norte, Agusan del Sur Camiguin, Misamis Oriental; Baungon, Libona, Manolo Fortich, Sumilao, Impasug-Ong, City of Malaybalay, Malitbog, Cabanglasan sa Bukidnon; Sapang Dalaga, Calamba, Baliangao, Plaridel, Lopez Jaena, Oroquieta City, Aloran, Panaon, Jimenez, Concepcion sa Misamis Occidental; Jose Dalman, Manukan, Pres. Manuel A. Roxas, Katipunan, Dipolog City, Polanco, Piñan, Dapitan City, La Libertad, Sibutad, Rizal, Mutia sa Zamboanga del Norte.
Matapos mag landfall sa Jagna, Bohol, magatabok ini sa Visayas kag Palawan antes magdiretso sa West Philippine Sea sa aga buwas nga adlaw.
Ginalauman nga magaguwa sa lugar ang Bagyo Verbena sa Huwebes, Nobyembre 27.
Nagapaandam sa gihapon ang PAGASA sa pagtupa sang ulan tuga sang bagyo.
