-- ADVERTISEMENT --
Napabilin ang kabaskugon sang bagyo Verbena samtang nagahulag ini sa ibabaw sang West Philippine Sea.
Base sa datus sang Philippine Atmospheric, Geophysical and Astronomical Services Administration (PAGASA), ang sentro sang bagyo ang nahamtang sa kalayuon nga 215 kilometros North Northeast sang Pag-asa Island, Kalayaan, Palawan.
May kabaskugon ini sang hangin nga nagalab-ot sa 95 kilometros por ora kag pagmadlos nga nagalab-ot sa 115 kph.
Yara sa gihapon sa Signal number 1 ang Kalayaan Islands.
Ginalauman nga lubos nga magaguwa ang bagyo sa Philippine Area of Responsibility buwas, Nobyembre 27 sang aga.
-- ADVERTISEMENT --
