ROXAS CITY – Ginapahayag nga ginlagas sang mga kalalakinhan ang rason sang suspek nga nakalab-ot ini sa ikatatlo nga panalgan pinaagi sa pagsaka sa steel gate sang balay ni City Councilor Moreno ‘Moreng’ Gonzaga, kaina sang kaaganhon, sa Barangay Cagay, sini nga syudad.
Ginkilala ang lalaki nga natukiban yara sa impluwensiya sang makahulubog nga ilimnon kay Roberto ‘Ombit’ Lata nga residente sang Sitio Andrada, Barangay Banica, Roxas City.
Sandig nga inisyal nga imbestigasyon sang mga kapulisan, nakit-an si Lata nga nagtaklas sa steel gate sang amu nga balay, tubtob nga nakalab-ot ini sa 3rd floor sang nasambit nga puloy-an kag nagtuyo nga maglumpat.
Matapos ang tatlo ka oras nga negosasyon sa tunga sang suspek kag mga kapulisan, natigayon ini nga mapapanaog.
Ginahibalo pa kun ano ang motibo sang lalaki, bangud wala man sang nadula nga kagamitan sa amu nga puloy-an.
