Mahina ang baligyaanay sang prutas subong nga Paskwa kag nagahilapit nga bag-ong tuig ikumpara sadtong nakaligad nga tuig 2023.
Ini ang nangin pahayag ni Asuncion, manugbaligya sang prutas sa Teodoro Arcenas Trade Center sang ma-interview sang Bombo Radyo.
Pahayag ni Asuncion nga ginahulat na lamang nila ang desperas sang bag-ong tuig bangud tuman gid katuman ang baligyaanay sadtong nakaligad nga paskwa.
“Ini nalang ang amon nga pag-asa”
Gintuad ni Asuncion nga 11 na katuig ini nga nagabaligya sang prutas sa TATC kag nahambal sini nga mahina gid ang baklanay subong nga tuig 2024.
Apisar nga kadam-an sa mga vendors ang nagabatyag sang kapigaduhon sang bentahanay padayon sa gihapon sila kag nagatinguha nga makabaligya agud masabat man ang ila pang-adlaw adlaw nga kinahanglanon.
