Nakapauli na sa pungsod ang duha ka tripulante nga sang bulk carrier M/V True Confidence nga napatay sa missile strikes sa Gulf of Aden NAIA cargo area sa Pasay City.
Ang duha ka seafarer ang kalakip sa 15 Filipino crew members nga nakasakay sa MV True Confidence sang gin-atake ini sang mga rebelde nga Houthi sang tinalikdan nga Marso 6.
Nakapauli naman sa pungsod ang mga nabilin nga 13 ka tripulante kag nahatagan na ang mga ini sang nagakaigo nga mga bulig nagikan sa gobyerno.
Ang mga bangkay sang duha ka seaman ang ginhatod pauli sa pungsod Dubai Labor Attaché John Rio Bautista.
Nagpaabot naman sang pagpakig-unong ang mga opisyales sang DMW kag OWWA sa mga nabilin sini nga pamilya.
Ang DMW, DFA, kag OWWA, nagpakig-angut sa mga tag-iya sang barko kag local manning agencies, ang nagbuliganay para sa pagkuha kag pagpapauli sang mga bangkay sang mga nasambit nga marino.
Ginsugo naman ni Presidente Ferdinand Marcos, Jr. ang DMW kag OWWA nga padayon nga buligan ang mga pamilya sang nasambit nga mga biktima.
