Bangko Sentral ng Pilipinas, ginpanindugan nga indi kinahanglan nga padasigon ang pagpanubo sang reserve requirements ratio sang mga bangko sa Pilipinas

Ginhatagan pagtamod ni Bangko Sentral ng Pilipinas (BSP) Governor Eli Remolona Jr. nga indi na kinahanglan nga padasigon ang dugang nga pagnubo sang reserve requirement ratio ukon RRR para sa mga dalagku nga bangko sa pungsod.

Suno kay Remolona, ​​ang subong nga lima ka porsyento nga reserve requirement ratio ginakabig nga “tuman ka manubo.”

Dugang pa sini nga gintudlo nga ang Monetary Board mahimo magbinagbinag sang dugang nga pagpanubo sang reserve requirements ratio para sa mga commercial kag universal banks, apang indi kinahanglan nga padalion ini.

Ginklaro man sang Bangko Sentral ng Pilipinas nga bukas ini sa pagduso sang dugang nga pagnubo depende sa timing kag hulag sang kwarta sa financial system.