Roxas City – Liwat nga nakabaton sang pasidungog ang banwa sang Dumalag, Capiz matapos nga nakuha ang 1st place sa Regional Gawad Kalasag kag Best Disaster Risk Reduction Management Advocate sa ginpatigayon nga 21st Gawad Kalasag Regional Awarding Ceremony 2019.
Suno kay Disaster Risk Reduction Management Counci (DRRMC) Officer Juvel Dacutan nga nakuha ang nasambit nga award sang banwa bangud man sa pagsuporta sa ila mga aktibidad, programa kag proyekto.
Ginpasalamatan man sini ang local nga gobyerno sang banwa sang Dumalag kag mga pumuluyo nga nagpakigbahin sa ila kadalag-an.
Nahibaluan nga kabahin ang awarding ceremony sang Search for Excellence in Disaster Risk Reduction and Management and Humanitarian Assistance sang office of the Civil Defense Regional Disaster Risk Reduction and Management Council.
