ROXAS CITY -Dismayado ang alkalde sang banwa sang Sigma sa mga kapulisan nga nagabantay sa border checkpoint sa Iloilo-Capiz border sa Barangay Aglalana, Dumarao matapos nga may gina-alegar nakalusot nga mga residente sang banwa sang Sigma gikan sa probinsiya sang Iloilo.
Ginkakibot ni Mayor Christopher Andaya sang nakabaton ini sang impormasyon nga may mga taga-Sigma nga nakalusot sa border checkpoint sa nasambit nga lugar.
Kalakip diri suno sa alkalde amo ang barangay kagawad sang Barangay Pinamalatican, Sigma kag ang tatlo sini ka mga kabataan nga nakalusot matapos nga nagdungan sila sa karo sang patay.
Magluwas diri suno sa alkalde, may duha pa ka indibidwal nga nakalusot sa amo nga border nga residente sang Barangay Poblacion kag Mangoso.
Kasunod sini ginpadulungan na suno sa alkalde ang nasambit nga mga indibidwal kag ginpapirma sang waiver nga nagapasugot sila nga magpaidalom sa 14-day quarantine.
