ROXAS CITY-Ginpasakaan na sang panombongon ang Barangay kagawad nga nakuhaan sang indi lisensyado nga armas-luthang sa Barangay Lantangan, Pontevedra Capiz.
Suno sa Pontevedra Municipal Police Station panombongon sa paglapas sa R.A. 10591 ukon Comprehensive Firearms and Ammunition ang ginpasak batuk sa kay Barangay Kagawad Joseph Manican residente sang nasambit nga lugar.
Sandig sa imbestigasyon sang Pontevedra Municipal Police Station nga nalabayan sang mga katapo sang Capiz Provincial Mobile Force Company si Manican samtang nagabantay sang mga ginahuptan nga mga kasapatan kun sa diin namutikan nga may yara sang ginasukbit nga armas-luthang ang nasambit nga kagawad.
Sa pagtsekyar sang mga kapulisan, narekober sa posesyon ni Manican ang isa ka unit sang Homemade 12-gauge shotgun, anom ka mga bala sang kalibre .45 nga armas-luthang kag lima ka mga bala sang kalibre .22 nga armas-luthang.
Sa karon, nakahunong na sa karsel sang Pontevedra Municipal Police Station si Manican .
Matandaan nga si Manican man ang ginapahayag suspek sa pagluthang-patay sa duha ka mag-utod sa binaylehan sa Sitio Rosario, Barangay Lantangan sang nasambit nga banwa
