ROXAS CITY – Bugal nga ginpakigbahin ni Kagawad Elmo Celino sang Brgy. San Jose sining syudad nga wala sang kaso sang dengue ang ila nga barangay.
Suno diri, posible rason sang negatibo nga kaso sang nasambit nga balitaan bagud nga nagakooperar ang mga opisyales sang barangay kasubong sang council, BHW kag mga brgy. Tanod.
Ginpahayag ni Celino, wala nagauntat ang ila talatapan sa pagtapna sang dengue pinaagi sang pagpanglimpyo sang mga dalanon kag kutob sa mga lugar nga posible nga pangitlugan sang lamok.
Sa pihak nga bahin, ginsiling sini nga may 2 sila ka biktima sang pagpangkagat sang ido, gani mensahe ni kagawad sa mga pumuluyo ilabi na kun gapanag-iya sang ido, higtan kag itinir nalang sa mansig panimalay ang sapat agud nga nga indi na ini makahalit pa sa iban nga mga residente sang barangay.
Ginapanugyan ni Kagawad Celino sa pumuluyo sang ila barangay nga magkooperar sa mga aktibidades sang brgy. kag maghimo man sang kaugalingon nga paagi agud nga matapna ang makamalatay nga balatian nga dengue.
