ROXAS CITY – Arestado sa ginkasa nga drug buybust operation sang mga otoridad ang isa ka basketball referee sa Barangay San Jose, Dumalag, Capiz.
Ginkilala ang drug suspek kay Jhon Lynnon Feren, 27 anyos, residente sang nasambit man nga lugar.
Narekober sa suspek ang duwa ka sachets sang ginapatihan shabu, 500 pesos nga buybust money, P12, 000 nga cash, 23 riyal, cellphone, motorsiklo kag drug paraphernalia.
Ang nasambit nga operasyon ang ginpatigayon sang gintingob nga pwersa sang Dumalag Municipal Police Station, Jamindan Municipal Police Station kag Provincial Drug Enforcement Unit sang Capiz Police Provincial Office.
Magapangatubang ang suspek sa kaso nga paglapas sa Republic Act 9165 ukon Comprehensive Dangerous Drugs Act of 2002.
PHOTO FROM WEB
