-- ADVERTISEMENT --
ROXAS CITY – Hilway nga nabun-ag ang bata nga babayi sang 28-anyos nga ginang matapos ginbuligan pabata sang mga katapo sang Bureau of Fire (BFP)-Roxas takna alas 2:30 sang hapon.
Ginkilala ang ginang kay Edwena Oljol, kag residente sang Bilbao St. Barangay 8, syudad sang Roxas
Nahibaluan nga na-alang-alangan ang nasambit nga iloy sa ila panimalay nga yara lang man sa atubang sang opisina sang BFP-Roxas rason nga madasig naman nga gin-asisteran sang mga katapo sang bumbero.
Kun sa diin ginkilala ang mga nag-atender nga mga bumbero nga sanday FO2 Kenneth Argañosa kag FO3 Mae M Valles.
Ginpadangat naman sa isa ka birthing clinic ang mag-iloy para sa dugang nga pagtatap.
