Gin-anunsyo sang Bureau of Internal Revenue nga pabor ini nga dugangan ukon dugangan ang penalidad nga ginapatuman batok sa mga tax evaders sa pungsod.
Suno kay Internal Revenue Commissioner Romeo D. Lumagui Jr., ginasuportahan niya ini ilabi pa suno sa iya nga may mga korporasyon nga nagahimo sini.
Nagapati ini nga nagakadapat nga dugangan ang mga penalidad agud mangin mahinalungon ang mga tax payers kag sundon ang insakto nga proseso sa pagbayad sang ila buwis.
Ini ang iya gin-anunsyo kasunod sang pag-file sang reklamo sa tax evasion batok sa 23 ka mga korporasyon nga imbolbado sa illegal nga aktibidad.
Sa diin ang nasambit nga bureau nagpasaka sang 23 ka mga reklamo sa paglikaw sa buhis sa Department of Justice batuk sa mga korporasyon kag mga indibidwal nga yara sa likod sang ginaalegar ilegal nga mga transaksyon sa buhis.
Suno sa BIR, ang 23 ka mga korporasyon nga ila ginreklamo sa DOJ ang nagabakal sang ‘ghost receipts’ para lang makapalagyo sa obligasyon nga magbayad sang katumbas nga buwis.
Naglab-ot ini sa 1.41 billion nga Piso tax deficiency, gani pabor si BIR Commissioner Romeo Lumagui Jr. nga dugangan ang silot batok sa mga tax evaders.
