Nagpa-athag ang Bureau of Jail Managament and Penology (BJMP) angut sa ginaalegar pagkastigo sa isa ka Persons Deprived of Liberty (PDL) sa sulod sang ila pasilidad sa Barangay San Jose, Roxas City.
Ang PDL amo si alyas Marmar sang Barangay Banica, Roxas City kag duha ka bulan pa lang nga nagatinir sa BJMP Roxas.
Sa interview sang Bombo Radyo kay Jail Superintendent Julius Ceasar Chavez, Jail Warden Bureau of Jail Managament and Penology (BJMP) Roxas, iya ginpahayag sa ila inisyal nga imbestigasyon, indi pag-intindihanay ang nangin rason sang pagkastigo kay Marmar
Suno kay Chavez, base sa mga witness nga yara sa natabo nga insidente, isa lang ka PDL ang nagsumbag sa biktima kag indi apat nga ginpahayag sang iloy.
Pahayag pa niya, hampang-hampang lang ang gina-ubra nila sang amo nga tion kag wala sang na-involve nga paggamit sang baraha bangud hugot ini nga ginadumilian sa sulod.
Dugang pa sang natungdan, nagapakig-angut man sila sa pamilya sang ginkastigo nga PDL para maistoryahan ang settlement nga pagahimuon.
