ROXAS CITY – Nakita sa gihapon sang Chairman sang Committee on Appropriations sang Sangguniang Panlalawigan ang duplication sa mga proyekto nga ginsumiter nga revision sang Annual Investment Program sang Provincial Engineering Office (PEO) sa provincial board.
Ini ang ginpahayag ni Board Member Jonathan “Sonny” Besa sa iya nga diskurso-pribilihiyo.
Suno kay Besa nga may yara sang pagbag-o sa double funding apang yara sa gihapon ang mga duplication sang mga proyekto sa pila ka mga barangay.
Nakita ni Besa nga nagapabilin sa gihapon ang duplication sa mga proyekto sa mga covered court sa Barangay Aglalana, sa banwa sang Dumarao kag Barangay East Villaflores sa banwa sang Maayon kag isa ka barangay sa banwa sang Sigma.
Samtang ba-se sa nakuha nga impormasyon ni Besa magareconvene liwat ang Provincial Development Council (PDC) sa Marso 12.
