Nangin maayo ang panugod sang 2025 para sa Meralco Bolts sa PBA 49 Season Commissioner’s Cup.
Ini matapos nga ginlutos nila ang Hong Kong Eastern sa iskor nga 88-83 sa hampang nga ginhiwat sa Araneta Coliseum.
Nagpangibabaw sa kadalag-an sang Bolts si Akil Mitchell nga nagpagkit sang 31 points, 14 rebounds, pito nga steals kag lima nga assists samtang may 16 points, apat nga rebounds kag duwa nga assists si Bong Quinto.
Ini na ang pang-apat nga kadalag-an sa anom nga hampang sang Bolts.
Gin-ako ni Bolts head coach Luigi Trillo nga isa ka leksyon ang ila duwa ka sunod nga piyerde sadtong Disyembre gani ginpakita lamang nila ang ila abilidad .
Halos indi na makapalayo ang Bolts bangud sa naabansehan pa sila sang Eastern sa iskor nga 72-71 tubtob malagas ini sang Bolts kag nakuha ang abanse sa isakor nga 79-73 sa nabilin nga anom ka minutos.
Nauyang naman ang nahimo nga 28 points, 18 rebounds, tatlo nga assists kag duwa nga steals ni Chris McLaughin sang Hong Kong.
