Nagtabla sa 1-1 ang Brazil kag Morocco sa ila opening Group C match sang 2026 FIFA World Cup sa MetLife Stadium sa New Jersey.
Ginbuksan sang Morocco ang score paagi kay Ismael Saibari, apang madasig nga nagsabat ang Brazil paagi sa isa ka header ni Vinicius Junior agud mag-level ang score.
Sa resulta sang hampang, ang Brazil kag Morocco lunsay may isa ka puntos sa Group C standings, samtang ang duha ka koponan nagahanda para sa ila masunod nga mga kasumpong.
Ang Brazil maga-atubang sa Haiti sa Hunyo 19, samtang ang Morocco maga-atubang sa Scotland sa amo man nga adlaw.
Sa subong nagapanguna ang Scotland sa Group C nga may 1 ka daug nga katumbas sa 3 puntos nga ginasundan sang Brazil kag Morocco nga may 1 ka draw nga katumbas sa 1 puntos kag ang Haiti yara sa ika-4 nga pwesto.
Ginalauman nga mangin hugot ang hampang sa Group C samtang naga-away ang mga teams para sa pwesto sa knockout stage sang 2026 FIFA WORLD CUP.
