Brgy. Punta Tabuc, Roxas City, Handa na sa Barangay draw sang Buena Mano Salvo Week 4

Preparado ang Barangay Punta Tabuc, Roxas City para sa pagpatigayonon bwas nga adlaw sang Week 4 sa Barangay Draw sa Buena Mano Salvo Year 20 promo sang Bombo Radyo kag Star FM.

Sa interview sang Bombo Radyo kay Punong Barangay Nestor Buenviaje, iya ginpahayag nga mangin masadya ang ila barangay sa bangud sa madamo nga mga papremyo kag parlor games nga ginpreparar sang Bombo Radyo para sa mga pumuluyo.

Suno kay Buenviaje, nagpahibalo na ini sa mga pumuluyu para sa patigayunon nga aktibidad sa ila barangay.

Gina-agda man sini ang tanan nga magpasakop man sa promo agud makadaog man sang mga papremyo.