-- ADVERTISEMENT --
Indi magnubo sa 31 ka pagtay-og ang narekord sa Taal Volcano sa sulod sang isa ka gab-i.
Suno sa Philippine Institute of Volcanology and Seismology, ang nasambit nga numero ang nagalakip sang 30 ka pagtay-og sang bulkan nga naglawig sang ginabanta isa ka minuto.
Sa subong, manubo ang sulfur dioxide flux sang bulkan.
Sa pihak sini, nagasaka sa gihapon ang mga ash plumes nga nagalab-ot sa 1,200 metros ang kataason.
Ang PHIVOLCS nagpaandam sang pagdugang sang enerhiya sang linog sa Taal, nga mahimo magsenyas sang phreatic ukon minor phreatomagmatic eruption.
-- ADVERTISEMENT --
Sa karun nagapabilin sa Alert Level 1 ang bulkan nga nagakahulugan nga hugot nga ginadumilian ang pagsulod sa Taal Volcano Island kag danger zones.
