Isa ka startup nga kompanya sang bioscience gikan sa Shenzhen, China nag-anunsyo nga nakahimo ini sang isa ka tableta nga teoritikal nga makapalawig sang kabuhi sang tawo tubtob sa 150 ka tuig.
Suno sa kompaniya nga Lonvi Biosciences, ang ila bag-o nga bulong nagapuntariya sa ginatawag nga “zombie cells.”
Ini ang nagatigulang nga mga cells sa lawas nga wala na nagatunga kundi padayon nga nagatuga sang inflammation
Dugang pa sini nga ang mayor nga ingredients sang bulong indi lamang nagapalawig sang kabuhi, kundi nagapanubo man sang mga balatian nga may kaangtanan sa pagtigulang.
Ang nasambit nga bulong nabase sa procyanidin C1 (PCC1), isa ka molecule nga makita sa mga liso sang ubas. Ang PCC1 gin-angot na sang una sa mas malawig nga kabuhi sa mga ilaga
Sa ila nga pag-eksperimento, ang mga ilaga sa laboratory nga ginhatagan sang ila formulation ang nabuhi 9. 4 pecent nga mas malawig sa kabilugan, kag 6.2 percent nga mas madugay gikan sa una nga adlaw nga pagbulong.
Nagalaum ang pila ka eksperto nga ini nga klase sang teknolohiya mahimo mangin mas kilala sa China samtang nagadamo ang interesado sa pagpadugang sang kabuhi ukon longevity.
