Nagpaguwa sang pahanumdom ang Civil Aviation Authority of the Philippines sa tanan nga mga pasahero nga magabiyahe sa guwa sang pungsod nga ibutang sa ila posisyon ang ila mga pasaporte kag maghalong sa sini, ilabi na sa tion sang check-in kag immigration process. Ini matapos nga wala nakasakay sa flight padulong sa Bali ang isa ka pasahero sang Cebu Pacific bangud sa gisi sang iya passport.
Suno sa airline, wala ginpahanugutan sang immigration authorities nga maghalin ang pasahero nga may damage nga dokumento, gani napilitan sila nga indi ini magpasakay.
Sa isa ka pahayag, ginpahayag ni CAAP spokesperson Eric Apolonio nga importante para sa tagsa ka pasahero nga personal nga mag-uyat sang ila passport kag tsekyaron ini antes isumiter sa airline ukon immigration officers. Ginpanugyan man sini nga kuhaan ini sang litrato bilang pamatuod sang kondisyon.
Suno kay Apolonio, kinaandan na nga ginabilin sang grupo sang mga travelers ang tanan nga passport sa isa lang ka tawo, nga posible tunaan sang aksidente nga pagkaguba.
Ginpanginwala man ni Apolonio ang mga espekulasyon nga may mga iregularidad sa viral nga insidente sa diin ginpahayag sini nga may yara sang CCTV sa mga counter sang eroplano para sa transparency. Naghingyo ini sa publiko nga gilayon nga i-report sa airline ang kaangay nga insidente agud ma-imbestigaran sang maayo.
Samtang, liwat nga ginpanindugan sang Cebu Pacific nga katungdanan sang airline nga siguraduhon nga kumpleto, insakto, kag balido ang mga dokumento nga ginauyatan sang mga pasahero, sandig sa immigration regulations.
