ROXAS CITY – Nakapakig-angut na si Capiz 1st District Congressman Emmanuel ‘Tawi’ Billones Sr. sa Department of Health (DOH) Regional Office 6 natuhoy sa ginaapelar sang Capiz Medical Society nga dugang nga augmentation sang medical workers sa probinsiya.
Suno kay Billones nga matapos nakalab-ot sa iya ang apelar sang mga medical frontliners sa probinsiya, gilayon ini nga nagpakighinala kay DOH-6 Director Dr. Marlyn Convocar.
Diri suno sa iya ginpasalig ni Convocar nga handa magbulig ang DOH-6 sa probinsiya ilabi na sa Roxas City kag sa Roxas Memorial Provincial Hospital.
Ginpahayag sini nga base sa iya pagpakighinala kay Convocar, nahibaluan nga may yara na sang mga medical frontliners nga gin-augment ang DOH-6 sa probinsiya.
Apang wala pa nakapasalig suno diri si Convocar nga maka-augment sang dugang mga doktor sa probinsiya bangud una na nga nagpadala sang mga doktor sa Bacolod City kag Negros Occidental nga may madamo man nga kaso sang coronavirus disease (COVID-19).
Ginpasalig man sang kongresista nga liwat siya nga magapakig-angut sa nasambit nga talatapan agud gilayon nga mahatagan sang katumanan ang apelar sang mga medical frontliners sa probinsiya.
