ROXAS CITY, CAPIZ – Nagasunod ang Capiz National High School sa “No Collection Policy” sang Department of Education may kaangtanan sa Christmas parties nga hiwaton sa buluthuan.
Sa interview sang Bombo Radyo kay Mr. Charlie Begas, Principal sang Capiz National High School, iya ginpahayag nga nakapatigayon na sang conduct conference ang eskwelahan sa mga curriculum coordinators kag department heads sa diin gin-istoryahan ang paghiwat sang Christmas programs.
Suno kay Begas, ang tanan nga manunudlo kag staff sang Capiz National High School ang hugot gid nga ginadumilian nga magkolekta sang kwarta nagikan sa mga ginikanan ukon mga estudyante.
Apang pahayag niya, may yara sang inisyatibo ang mga estudyante sa diin boluntaryo ang ila kontibusyon agud makahiwat sang Christmas party.
