-- ADVERTISEMENT --
ROXAS CITY – Nagpahanumdom ang Capiz Provincial Health Office angut sa pagpatigayon sang mass gatherings kadungan sang pagselebrar sang Paskwa kag Bag-ong Tuig.
Sa interview sang Bombo Radyo kay Dr. Samuel Delfin, head sang PHO, iya ginpahayag nga mas maayo nga mga myembro sang isa ka panimalay nalang ang magapatigayon sang selebrasyon.
Suno kay Delfin, nga dapat magsunod gid sa mga nagakaigo nga mga minimum health protocols agud malikawan ang transmission kag pagsaka sang numero sang kaso subong nga holiday season.
Nagpanugyan naman sa ini sa mga pumuluyo nga halongan ang ikaayong lawas subong nga indi pa tapos ang ginapangatubang nga pandemya bangud sa COVID-19 sa pungsod.
