Nagpanawagan ang Capiz Provincial Health Office sa publiko nga likawan ang paggamit sang palupok kadungan sang Firecracker Injury Prevention Month.
Sa interview sang Bombo Radyo kay Liera May Agustin, Health Program Reseach Assistant sang Capiz Provincial Health Office, iya ginpahayag nga ginaselebrar ang nasambit nga kampanya agud maprotektahan ang tanan, ilabi na ang mga kabataan batok sa disgrasya nga dala sang palupok samtang nagahilapit ang yuletide ukon holiday season.
Suno kay Agustin,ginaprayoridad sang Capiz Prvincial Health Office ang amo nga kampanya kada bulan sang Disyembre bangud sa kada tuig may mataas nga report sang firecracker-related injuries sa mga ospital sa bilog nga probinsaya sang Capiz nga mahimo malikawan kun may disiplina kag ihibalo ang publiko.
Pahayag pa niya, ang paggamit sang palupok mahimo magresulta sang pagkapaso, pilas sa mata, pagkabungol, kag sa malala nga kaso, pagka-utod sang tudlo ukon kamot.
Dugang pa, magluwas sa pagkapilas, may iban pa gid nga peligro sa ikaayong lawas ang palupok pareho sang respiratory health threats kaangay sa may hapo kag tigulang bangud sang aso kag kemikal nga naga-tinir sa hangin, kag posibilidad sang pagkabungol, stress, high blood kag heart attack, ilabi na sa may mga pre-existing heart conditions.
Nagpanawagan man ang natungdan nga kun mahimo likawan na ang pagbakal kag paggamit sang palupok
