Padayon ang imbestigasyon sang Capiz State University (CapSU) sa ginapatihan scammer nga nagagamit sang pangalan sang mga personnel sang unibersidad agud magpangayo ukon magsolicit sang kwarta halin sa mga contractors kag suppliers.
Sa interview sang Bombo Radyo kay Atty. Jaybe Blancaflor, head sang Public Information Office sang amo nga buluthuan, iya ginpahayag nga ang mudos sang mga scammer amo ang magpangayo kwarta nga nagabalor sang P6,500 tubtob P200,000 para ibakal sang wheel chair.
Suno kay Blancaflor, wala mandato ang unibersidad nga mangolekta ukon magsolicit sang kwarta, gani indi dapat basta-basta magpati sa mga mensahe nga nagapangayo sang kwarta.
Nagpanugyan man ini sa publiko nga ipahibalo gilayon sa unibersidad kon may nahibaluan nga nagapangayo sang kwarta gamit ang ngalan sang CapSU.
