ROXAS CITY– Nakuha sang 22-anyos nga Capizeño ang gold medal sa pencak silat sa nagapadayun nga 29th Southeast Asian Games sa Kuala Lumpur, Malaysia.
Ginpierde ni Denis Dumaan sang Timpas, Panit-an, Capiz ang Indonesian nga kasumpong sa 45-50kg Class A final sang pencak silat.
Nangin katapu sang national team sang pencak silat si Dumaan sadtong 2016 matapos nangin kampeon sa nasambit nga hinampang nga ginpatigayon sa probinsiya sang Pangasinan.
Kaupod ni Dumaan nga nagpasakup sa nasambit nga hinampang ang tatlo pa ka mga Capizeño nga sanday Ric Rod Ortega sang Panay nga nakakuha sang bronze medal kag sanday John Paul Acat kag Reymund Bueno nga wala nakasulod sa finals.
Nahibaluan nga katapusan nga nakuha sang Pilipinas ang bulawan nga medalya sa nasambit nga sporting event sadtong Sea Games 2005 nga ginpatigayon sa Pilipinas.
