Nag-apelar ang Department of Interior and Local Government sa tanan nga mga lokal nga gobyerno nga isulong ang cashless transactions sa tanan nga mga pampubliko nga opisina bilang alternatibo sa cash transactions nga kinaandan na sa pungsod.
Suno sa ahensya, ini nga tikang ang para sa pagtuman sa direktiba ni Pangulong Ferdinand Marcos Jr. nga pasanyugon ang digital transformation sa pungsod.
Kaangut sini, nagpaguha na ang Department of Interior and Local Government (DILG) sang isa ka memorandum circular kun sa diin nga nagatudlo sa mga LGU nga gamiton ang electronic payment kag collection systems sa pagkolekta sang local taxes, fees kag iban pa nga bayad.
Paathag sang ahensya nga sa bulig sang amu nga tikang, mas mapakusog pa ang transparency, efficiency kag public convenience.
Kinahanglan man suno diri nga naka align ang mga tikang sang LGU sa National Retail Payment System Framework kag mangin sa Data Privacy Act.
Ginganyat naman sang DILG ang mga LGU nga magsumiter sang mga lokal nga ordinansa nga makapahimo mangin legal ang nasambit nga tikang.
