Indi matago ni Miss Universe 2018 Catriona Gray ang iya kalipay kag bugal sa kadalag-an ni Ahtisa Manalo bilang Miss Universe Philippines 2025.
Ang duha ka mga beauty queen ang magkaupod sang Batch 2018 sang Binibining Pilipinas, sa diin ginakabig ni Catriona nga si Ahtisa ang “pinakamabata” sa ila nga grupo.
Sa isa ka post sa social media platform X (Twitter sadto), ginpaambit ni Catriona ang iya mensahe para kay Ahtisa, nga nagasiling, “Proof that you should never ever give up on your dreams! So proud of you, Ahtisa!”
Si Ahtisa Manalo ang nakatalana nga magatiglawas sa Pilipinas sa Miss Universe 2025 nga pagahiwaton sa Nobyembre 21 sa Bangkok, Thailand.
Samtang, ang iban pa nga ginkoronahan sa bag-o lang natapos nga Miss Universe Philippines pageant amo sanday:
Katrina Llegado sang syudad sang Taguig bilang Miss Supranational Philippines
Si Gabriella Carballo sang Cebu City ang Miss Eco International Philippines
Si Chelsea Fernandez sang Sultan Kudarat ang Miss Cosmo Philippines
Nangin 1st runner-up man Winwyn Marquez sang Muntinlupa kag si Yllana Aduana sang Siniloan, Laguna ang nangin 2nd runner-up.
