Nabulsa sang Cleveland Cavaliers ang ika-50 nga daog sini subong nga season batuk sa Portland Trailblazers matapos mangibabaw sa isa ka overtime game, sa score nga 133 – 129.
Ang Cavs ang una nga team sa NBA nga makakuha sang 50 wins kag amu man ang una nga hubon nga makakuha sang playoff spot subong nga season.
Napatas ang score sa 119 sa pagtakop sang regulation matapos lagson sang Cavs ang 10-point deficit sa ulihi nga quarter.
Sa pagsulod sang overtime, wala na gintugutan sang Cavs nga makaabanse pa ang Blazers, kag gindominar ang 5-min stretch, sa 14 – 10.
Natapos ang overtime thriller sa score nga 133 – 129 pabor sa Cavs, sa pagpanguna ni De-Andre Hunter nga naghimo sang 32 points kag pito nga rebounds.
25 points kag anom nga assists naman ang kontribusyon sang bench nga si Ty Jerome samtang 20 points kag walo ka rebounds ang amot sang forward nga si Evan Mobley.
Ginpangunahan naman ni Blazers forward Deni Avdija ang iya nga team pinaagi sa isa ka triple double performance – 30 – 12 – 10. Samtang 27 points ang ginbulsa sang bataon nga guard nga si Anfernee Simons.
