CebuPac wala nakahugpa sa Roxas City airport bangud sa mabaskog nga hangin;mga pasahero stranded sang pila ka oras

ROXAS CITY – Stranded sang pila ka oras ang mga pasahero sang Flight DG 6367 sang Cebu Pacific matapos wala ini makahugpa sa Roxas City airport kagab-i.

Ginatudlo nga rason ang mabaskog nga hangin nga tuga sang malain nga lakat sang panahon.

Magahugpa kuntani ang nasambit nga eroplano, apang wala gindayun sang piloto bangud sa mabaskog nga hangin.

Bangud diri, nagdesisyon na lamang ang piloto nga magbalik sa Manila para indi mabutang sa peligro ang kabuhi sang mga pasahero.

Samtang, nagpadala sang van ang pamunuan sang CebuPac para sa pagtransport sa na-stranded nga mga pasahero padulong sa pahugpaan sang Iloilo kag Aklan.