Gintawag ni anay Narvacan Mayor kag gobernador sang Ilocos Sur nga si Chavit Singson nga wala sang basehan kag pamulitika ang kaso nga graft and plunder nga ginpasaka batuk sa iya.
Ang kaso gipasaka sang grupo ni Atty. Estelita Cordero sa Office of the Ombudsman bangud ginaalegar nakakwarta ini sa pagbaligya sang duta kag indi nagakaigo nga paggasto sang pondo.
Base sa reklamo, gina-alegar nakakuha si Singson sang P100 million sa pagbaligya sang 10 ka ektarya nga duta nga ginapanag-iyahan sang banwa sang Narvacan.
Suno kay Singson, ang nasambit nga transaksyon ang nagresulta pa gani sa iya kapierdihan sang P680 million bangud nakabulig ini sa munisipyo.
Ginpaathag sini nga gin-areglo niya ang transaksyon kag ginpili nga indi pag-isaylo gilayon ang titulo agud malikawan ang mga isyu pareho sang doble nga pagbaligya.
Ginpakalain pa sang anay Gobernador si Cordero bangud first-cousin ini sang iya kasumpong sa pulitika kag ginlutos pa niya ini para sa pagka-alkalde sa Narvacan.
Dugang pa sini nga ginbuyagyag nga may history sang pagpang-harass si Cordero kag makapila ka beses na siya nga ginhatagan sang kwarta para sa iya pila ka mga request.
Maathag suno sa iya nga pagtimalos ang ginhimo ni Atty. Cordero bangud indi sini mahatag ang iya katapusan nga pangabay.
