-- ADVERTISEMENT --
ROXAS CITY – Ginpasiguro sang pamunuan sang Cagay River Tour sa Barangay Cagay, Roxas City nga ginasunod gihapon sang mga nagabisita sa lugar ang ginapatuman nga health minimum protocols agud malikawan ang COVID-19.
Suno kay City Councilor Moreno Gonzaga nga ginkalipay sini ang pagpadulong sang mga bisita sa nasambit nga lugar matapos ang ginpatigayon nga opening of lights.
Suno diri nga tinutuyo sini amo nga mabatyagan sang mga nagabisita ang espirito sang paskwa apisar nga padayon sa gihapon nga nagapakigbato ang probinsya sa COVID-19.
Dugang pa ni Gonzaga nga hugot man nga ginalimitahan ang numero sang mga nagapadulong sa lugar agud malikawan ang paglapta sang nasambit nga balatian.
