Wala nakaluwas ang Coast Guard Substation sa banwa sang Dilasag, Aurora matapos ang pag-landfall sang bagyong ‘Nika’ kahapon, Nobyembre 11.
Suno sa Coast Guard District Northeastern Luzon, ginlupad sang mabaskog nga hangin ang dako nga parte sang atop sini kag nagsulod ang tubig-ulan sa sulod sang pasilidad.
Nasamad man ang pila ka parte sang istasyon, dala na man sang mabaskog nga hangin.
Sa pihak sini, nakaluway kag yara na sa maayo nga kahimtangan ang tanan nga CG personnels nga naka-deploy sa nasambit nga lugar.
Takna alas-8:00 sang aga kahapon, Nov. 11, sang mag-landfall ang bagyong ‘Nika’ sa bisinidad sang Dilasag kag sa sulod sang pila ka oras, nagpanglaslas ini sa mga coastal town sang Aurora kag Isabela.
Matandaan nga sa paglandfall man sang bagyong ‘Marce’ sa Sta. Ana, Cagayan sang nakaligad nga semana, nasamad man ang CG substation Sta. Ana kag ginsulod man sang tubig-ulan ang istasyon.
Padayon sa karon ang ginahiwat nga pagpanglimpyo kag pagkay-o sang nasambit nga istasyon.
