ROXAS CITY – Naghinun-anon ang mga myembro sang Provincial Board of Canvassers ukon (BOC) sa pagpanguna sang Commission on Elections (COMELEC) Capiz, sa syudad sang Roxas.
Suno kay Atty. Salud Milagros Villanueva, Provincial Election Supervisor sang Commission on Elections (COMELEC) Capiz, ginpahayag nga ginapreparahan na nila ang ila sini man nga tagsa ka mga buluhaton sa adlaw mismo sang May 12, 2025, National and Local Elections.
Dugang pa sini, ang Provincial Board of Canvassers ang may responsibilidad sa pagbantay sang resulta sang botohan sa adlaw sang eleksyon kag amu man ini ang maga-deklarar kun sin-o nga mga kandidato sa provincial level ang mga nag-daog.
Nahibaluan nga ginakabug-usan sang 11 tanan ka mga myembro ang Provincial Board of Canvassers sang Capiz.
Samtang, nagpahanumdom naman si Atty. Villanueva sa mga botante nga kun mahimo magsunod sa mga patakaran sang ila sini nga talatapan, subong man sa mga kandidato.
