Ginbasura sang COMELEC En Banc ang Motion for Reconsideration ni President Roxas Mayor Receliste Escolin, matapos makanselar ang iya Certificate of Candidacy (COC) para sa pagka-alkalde sang 2025 National and Local Elections.
Sa amo nga desisyon, ginpaathag sang COMELEC nga nakaserbe na sang tatlo ka sunod-sunod kag wala untat nga termino bilang alkalde si Escolin, gani indi na siya pwede makapapili para sa ikaapat nga sunod nga termino sa amo man nga posisyon.
Sa interview sang Bombo Radyo kay Mayor Receliste Escolin, sang banwa sang President Roxas, Capiz, Iya ginpahayag nga magapadulong sa Korte Suprema ang iya kampo para punggan ang implementasyon sang desisyon sang COMELEC En Banc nga nagakanselar sang iya Certificate of Candidacy (COC).
Suno kay Escolin, Plano nila nga magkuha sang Temporary Restraining Order (TRO) agud magapabilin siya sa pwesto bilang alkalde samtang wala pa ang pinal nga desisyon.
Nahibaluan naman nga may yara lang sila lima (5) ka adlaw ukon tubtob Lunes sa masunod nga semana agud makakuha sang TRO.
Panugyan ni Escolin nga indi magkabala ang mga pumuluyo, kay may isa pa ka semana siya para kag mag-facilitate sang kinahanglanon sang banwa.
