Nagpahanumdom ang isa ka community consultant sa impotansya sang komunikasyon sa tunga sang kalamidad.
Sa interview sang Bombo Radyo kay Ken Lerona, iya ginpahayag nga daku gid ang mabulig sang mabaskog nga komunikasyon sa pagluwas sang kabuhi.
Suno kay Lerona, importante gid ang klaro nga komunikasyon nagikan sa mga local government units, barangay kag iban pa nga mga talatapan sa mga pumuluyo sa mga dapat pagahimuon antes, samtang kag pagkatapos sang isa ka kalamidad.
Pahayag pa niya,importante man ang paghatag sang intsakto nga impormasyon kasubong sang mga post sa social media agud malikawan nag misinformation.
Dugang pa sang natungdan,nga mangin aligmat kag mag-evacuate insigida kun indi na safe ang lugar nga ginatiniran.
Interviewed by: Bombo Jessa Mae Delos Santos
