CUARTERO CAPIZ – May yara na sang ginalantaw nga person of interest ang katapo sang Cuartero Municipal Police Station.
Matandaan nga natigayon nga mataban sang wala pa matumod nga suspek ang P54,000.00 nga kwarta sang negosyante matapos mahold-up sa Sitio Capul-an, Barangay Agdahon, Cuartero, Capiz.
Ginkilala ang biktima kay alyas “Raian”, 42-anyos kag residente sang Barangay Carataya sa amu nga banwa.
Sa interview sang Bombo Radyo sa Officer In Charge sang Cuartero MPS nga si PCPT. Alladen Talaban, ginpahayag sini nga base sa panaysayon sang biktima nga samtang ginasubay sini ang dalan padulong sa proper sakay sang iya salakyan sang hinali lamang ini nga gintambangan sang duha ka mga indibidwal kag nagdeklarar nga hold up.
Suno kay PCpt. Talaban, nagapadayon ang ila pagpatigayon sang hot pursuit operation batuk sa mga suspetsado.
