Ginhingadlan ni Contractor Curlee Discaya ang anum ka mga kongresista kag duha pa ka mga anay opisyal sang gobyerno nga gin-alegar nakabaton sang kickbacks gikan sa mga flood control project nga yara sa isa sang iya mga payoff ledger.
Lakip sa mga ginsambit ni Curlee sa Senate Blue Ribbon Committee hearing, amo ang mga anay kag subong nga mga kongresista nga si Pasig City Rep. Roman Romulo, anay Quezon City 4th District Rep. Marvin Rillo, Caloocan City 3rd District Rep. Dean Asistio,Quezon City 5th District Rep. Patrick Vargas, Quezon City, 6th District Rep. Ma. Victoria Co-Pilar kag Uswag Ilonggo Partylist Rep. James “Jojo” Ang.
Ginhingadlan man ang anay Presidential Assistant for the Visayas Terence Calatrava kag anay Department of Public Works and Highways (DPWH) Undersecretary Roberto Bernardo.
Suno kay Curlee, may nabilin pa nga ledger sa ila residence, apang wala nila ini makuha bangud sa kakulang sang tion.
Una diri, temporaryo nga ginpahanugutan sang Senate Blue Ribbon Committee sanday Curlee kag Sara Discaya nga maghalin sa flood control anomaly hearing agud kuhaon ang mga dokumento nga ginaalegar may yara sang impormasyon sa mga indibidwal nga may kaangtanan sa eskandalo.
