Ginhagan-hagan sang Department of Agriculture (DA) ang pagkabalaka sang mga consumers sa posibilidad nga pagtaas sang presyo sang sibuyas.
Suno sa DA, indi na magkaangay ang natabo sang nakaligad nga tuig sa gulpihan nga pagtaas sang presyo sang pula nga sibuyas bangud nagsugod na ang tion sang anihan sang mga sibuyas.
Bangud sini, mabayluhan na ang mga stocks nga mga daan nga sibuyas.
Paathag pa ni DA Assistant Secretary and spokesman Arnel de Mesa, ginbuhinan ang mga mga naka-stock sa cold storage nga mga sibuyas bangud indi ini puwede nga magdugay kag basi masamad pa ini.
Sa balita naman sang Bureau of Plant Industry (BPI) nga may ara pa sang stock nga pula nga sibuyas ang pungsod nga 8,500 metric tonelada samtang ang dilaw nga sibuyas naman ang may ara pa nga 1,628 metric tons.
