Balak ipanghatag sang Department of Agriculture (DA) ang masobra 500,000 tonelada nga mga smuggled frozen fish nga nasakote sang Bureau of Customs (BOC) sa mga nalaslasam sang bagyong Kristine sa Bicol Region bilang parte sang ila bulig.
Suno kay Bureau of Customs Commissioner Bienvenido Rubio nga nadumduman sang ila ahensya sa bulig sang Department of Agriculture nga kinahanglan danay magpaidalom sa mga test ang nasambit nga mga isda agud matumod kun ini ang “fit for human consumption” bag-o ihatag sa mga apekatado nga residente sa Bicol.
Dugang pa ni DA Sec. Francisco Tiu Laurel Jr. nga sa ila paglibot kag pagbisita sa Naga thru aerial inspection, madamo ang gin-igo kag naapektuhan sang nasambit nga bagyo.
Dugang pa sang opisyal nga ang 21 containers nga ini, indi mangin bastante kag sa evacuees pa lang, maubos na ang mga nasabat nga frozen fish.
Sa karon, padayon naman ang pagtumod sang mga otoridad kun kay sin-o dapat ipadala ang mga isda nga ini kag paano ini dapat ikonsumo.
