DA, nagapati nga ang presyo sang bugas sa NCR ang ma ‘stabilize’ sa tion nga ma-implementar ang P58 per kilo MSRP

Mangin stable ang presyo sang bugas sa Manila sa tion nga mapatuman na ang P58 kada kilo nga maximum suggested retail price sang bugas.

Ini ang ginpahayag ni Agriculture Secretary Francisco Tiu Laurel.

Sa subong, mataas pa ang presyo sang bugas sa mga merkado nga nagalab-ot sa masobra P60 kada kilo sang imported rice.

Aminado naman ang tiglikom nga ginalauman man nila nga may mga pasaway nga mga negosyante sang bugas nga indi magsunod sa pagpatuman sang maximum suggested retail price.

Apang,  pinaagi sa whole of government approach masabat ang nasambit nga problema.