Ginaplano sang Department of Agriculture (DA), ang posibilidad sang pagsaka sang presyo sa imported nga kalamay para mahatagan sang importansya ang lokal nga produkto sang kalamay sa pungsod.
Lakip sa palaabuton, ang tikang nga mahimo palawigon nga sa kung diin pagadumilian ang pag-import sang kalamay tubtob sa Disyembre 2026.
Apang gin-athag man ni Agriculture Secretary Francisco Tiu Laurel Jr., ang rason sa pagsaka sang presyo nahanungod sa imported nga kalamay sang nagligad nga tig 2025.
Dugang pa niya, ang ginaplano nga pagsaka sang presyo sa imported nga kalamay yara na karon sa 5%, mahimo nga palawigon ini tubtob sa katapusan sang 2026, agud unahon ang lokal nga kalamay kag mapalig-on ang merkado.
Apang sa padayon nga pakig angot, ginpahayag man sang DA ang pag finalize sang regulatory framework para sa molasses imports, nga nagalakip sang pag-require sa mga kunsumidor nga magbakal sang lokal nga produkto antes pa makaimport.
