Nagdangat na sa 2,645 ang death toll sa sunod-sunod nga linog nga nag-igo sa Venezuela sang Hunyo 24 suno sa pinakaulihi nga opisyal nga datus sang gobyerno.
Kapin sa 12,600 ka tawo ang napilasan, samtang linibo pa ang ginapangita pa pagkatapos nga narumpag ang mga buildings, ilabi na sa baybayon nga probinsya sang La Guaira, sa northern Caracas.
(RESCUE OPERATION)
Nagpadala man sang mga rescue team kag bulig ang pila ka mga pungsod kag international humanitarian organization para sa mga apektado nga komunidad.
Padayon ang search operations sa mga nadula, samtang padayon nga nagataas ang numero sang mga pamilya nga wala sang puluy-an bangud sa malapad nga kahalitan sa mga buildings kag iban pa nga imprastraktura.
Suno sa mga otoridad, ginalauman nga magataas pa ang numero sang mga nagkalamatay samtang nagapadayon ang clearing kag retrieval operations.
