Nag-umpisa na ang Department of Social Welfare and Development (DSWD) sa pagpanagtag sang cash assistance sa mga delivery riders sa Metro Manila samtang nagapadayon ang pagtaas sang presyo sang gatong tuga sang tension sa Middle East.
Suno sa DSWD-National Capital Region, nakakuha sang P5,000 nga ayuda ang mga delivery riders.
Ginpatigayon mismo sang Land Transportation Franchising and Regulatory Board (LTFRB) kag sang Manila local government ang validation process antes ginhatag ang assistance.
Magluwas sa Manila, na-umpisahan naman ang payout sa nagkalain-lain nga lugar sa Metro Manila.
Masobra 137,700 delivery riders sa Metro Manila ang magabaton sang P5,000 kada isa sa idalom sang Assistance to Individuals in Crisis Situations (AICS) program sang DSWD.
