Ginpasalig sang Department of Energy (DOE) nga mangin stable ang power supply sa holiday weekend kadungan sang All Saints’ and All Souls’ Day ukon kilala bilang Undas.
Ginpahayag sang ahensya nga hugot nga nagakoordinar ini sa mga power generation companies, National Grid Corporation of the Philippines (NGCP) kag mga pasilidad sa distribusyon subong man sa mga kooperatiba sang kuryente agud mapabilin ang wala untat nga suplay sang kuryente sa bug-os nga holiday period.
May mga contingency measures man nga ginapatuman agud masabat ang posible nga pagtaas sang demand sang kuryente ukon localized disruptions.
Magapahamtang man sang technical personnel ang NGCP kag distribution utilities agud gilayon nga magresponde sa anuman nga isyu may kaangtanan sa supply sang kuryente.
Sa pihak nga bahin, nagpanawagan naman ang ahensya sa publiko nga engganyuhon ang epektibo nga paggamit sang kuryente sa puluy-an man ukon sa sementeryo.
